Ljúffeng lúða
Lúða er ljúffengur fiskur, sem elda má á ótal vegu og alltaf er hún góð svo fremi sem hún sé fersk. Hér kemur uppskrift sem er bæði holl og einstaklega bragðgóð. Sósan gerir gæfumuninn, svolítið sérstök, en allt það sem í hana fer blandast einstaklega vel saman. Mælum með þessum rétti í veislur, stórar sem litlar og rómantíska kvöldverði fyrir ástfangið fólk á öllum aldri.
Græn sósa
Lófafylli af basilíku
Lófafylli af myntu
3 flök af niðursoðinni ansjósu
1 msk kapers
2 hvítlauksgeirar
2 dl Extra Virgin ólífuolía
Sketta af sítrónusafa
Salat og fiskur
500g smáar kartöflur
200g smáir tómatar
200g aspas
800g lúðuflök í 4 bitum
Aðferð:
Setjið allt innihaldið í grænu sósuna í blandara og maukið þar til allt er vel blandað saman. Smakkið til með salti og pipar
Skerið tómatana í helminga. Sjóðið kartöflurnar og skerið í helminga.
Snöggsjóðið aspasinn og skerið í bita og setjið í sósuna og setjið kartöflurnar tómatana út í hana líka.
Steikið lúðuna á góðum hita í 3-5 mínútur á hvorri hlið eftir þykkt og kryddið með salti og pipar.
Dreifið sósunni á disk og leggið fiskinn ofan á. Berið fram með salati að eigin vali og góðu brauði