Meira utan af heilum ferskum þorski
Útflutningstölur á ferskum heilum þorski sýna mikla aukningu milli ára. Á fyrstu sjö mánuðum ársins var magnið farið að nálgast átta þúsund tonn á móti rúmum fimm þúsund á sama tíma í fyrra. Aukning um 52%. Verðmæti þessara 7.820 tonna nam um 3,3 milljörðum. Þetta kemur fram í samantekt á heimasíðu Landssambands smábátaseigenda. Þar segir ennfremur:
„Þegar sú spurning var lögð fyrir sérfræðinga, hverjir væru stærstu kaupendurnir? Þá var rétt svar ekki innan seilingar hjá þeim. Danmörk tók við 30% alls magnsins. Til Hollands var flutt 26% og Bretland var í þriðja sæti með 18% þess magns sem flutt var út af ferskum heilum þorski á tímabilinu janúar – júlí á þessu ári.
Á öllu árinu 2019 voru alls flutt út 9.212 tonn af ferskum heilum þorski. Til Bretlands 45%, Holland með 17% og Pólland með 11%.