Tillaga að rekstrarleyfi til fiskeldis að Götu og Galtarlæk

Matvælastofnun hefur unnið tillögu að rekstrarleyfi fyrir Veiðifélag Landmannaafréttar vegna fiskeldis á landi að Götu og  Galtarlæk í Rangárþingi Ytra. Um er að ræða nýtt rekstrarleyfi þar sem hámarkslífmassi miðast við 50 kíló af urriða til seiðaeldis að Götu og tveggja tonna til seiðaeldis að Galtarlæk.

Athugasemdir við tillöguna skulu vera skriflegar og sendar Matvælastofnun á mast@mast.is. Frestur til að skila inn athugasemdum er til 30. apríl 2021.