Gullver landaði 110 tonnum

Ísfisktogarinn Gullver NS kom til Seyðisfjarðar í miðri viku eftir tæplega vikulanga veiðiferð. Skipið hafði aflað 110 tonna, að mestu þorsks og ýsu. Friðrik Ingason, sem hefur verið stýrimaður á Gullver í tvö og hálft ár, var í sinni fyrstu veiðiferð sem skipstjóri. Frá þessu greinir á vef Síldarvinnslunnar.

Friðrik segir í fréttinni að þeir hafi byrjað í Berufjarðarálnum en þar hafi lítið verið að hafa. „Síðan veiddum við við Hvalbakshallið, Glettinganesflak og Digranesflak. Við fylgdum fregnum um góða veiði, en þegar við komum á staðinn var veiðin yfirleitt nýlokið. Að lokum snerum við aftur í Berufjarðarálinn og fengum góðan afla á einum og hálfum sólarhring. Ferðin byrjaði með leiðindaveðri, sem gekk niður eftir rúmlega sólarhring og þá fengum við þokkalegt veður. Á heimleiðinni fengum við svo aftur brælu,“ segir Friðrik.