Togarinn Bergur aftur orðinn Bergey

Uppsjávarskipið sem áður bar nafnið Bergur VE hefur aftur tekið upp sitt upprunalega nafn, Bergey VE, eftir að hafa farið í slipp á Akureyri að undanförnu. Þar fór fram hefðbundið viðhald, m.a. málun skipsins og upptekt á vélum, en einnig þessi táknræna nafnabreyting. Frá þessu er sagt á vef Síldarvinnslunnar.

Skipið var upphaflega smíðað í Noregi árið 2019 fyrir dótturfélag Síldarvinnslunnar, Berg-Hugin í Vestmannaeyjum, og bar þá nafnið Bergey. Eftir eigendaskipti og samruna félaga árin 2020–2022 var skipinu gefið nafnið Bergur, en nú hefur því aftur verið breytt. Með sameiningu félaganna Bergur-Hugin og Bergur þótti eðlilegt að skipið fengi sitt fyrra nafn að nýju.

„Bergur fór semsagt upp í slippinn en Bergey kom niður,“ segir Jón Valgeirsson skipstjóri léttur í bragði. Hann segir áhöfnina vera ánægða með nafnbreytinguna: „Sumir í áhöfninni áttu erfitt með að venjast Bergsnafninu og nefndu skipið ávallt Bergey. Ég heyri ekki annað en að menn hér um borð séu mjög sáttir við þessa breytingu.“

Bergey heldur til veiða frá Akureyri á morgun, og stefnt er austur fyrir land. Systurskipið Vestmannaey er nú komið til Akureyrar og fer þar í slipp á næstunni.