Lönduðu 4 þúsund tonnum í maí

Strandveiðiflotinn veiddi 4.020 tonn af þorski í maímánuði, að því er fram kemur í gagnasafni Fiskistofu. Í umfjöllun SFS í aðdraganda vertíðarinnar kom fram að búast mætti við allt að 25 þúsund tonn afla á vertíðinni. Raunin virðist ætla að verða önnur.

Meðalafli á veiðiferð reyndist 621 kíló, þegar litið er á þorsk.

736 bátar lönduðu í maímánuði. Landanir voru 6.473. Það þýðir að hver bátur nýtti að meðaltali tæplega 9 daga af 12. Tveir bátar eru reyndar með 13 landanir skráðar en aðeins er heimilt að nýta 12 daga í hverjum mánuði.

15 bátar náðu 8 tonnum af þorski í maímánuði. Benni SF landaði mestu eða 8651 kílói af þorski, samkvæmt skráningu Fiskistofu. Hann var aftur á móti langhæstur þegar kemur að umframafla – það er afla þorsks yfir leyfilegan hámarksafla.

Hér má sjá aflahæstu bátana í maímánuði, skv. gagnasafni Fiskistofu.

*Benni SF landaði 857 kílóum af umframafla í maímánuði, ef marka má skráningu Fiskistofu, eða mest allra. Alls lönduðu 11 bátar meira en 400 kílóum umfram, samanlagt í mánuðinum.