Leggja til aukna rækjuveiði fyrir vestan
Hafrannsóknastofnun leggur til, í samræmi við varúðarsjónarmið, að afli rækju í Arnarfirði fiskveiðiárið 2022/2023 verði ekki meira en 242 tonn og að afli rækju í Ísafjarðardjúpi verði ekki meiri en 523 tonn. Engin veiði var leyfð í Djúpinu á síðasta fiskveiðiári og í Arnarfirði um umtalsverða hækkun heimilda að ræða.
Hlekkur á ráðgjöf um Arnarfjörð.
Hlekkur á ráðgjöf um Ísafjarðardjúp.
Stofnvísitala rækju í Arnarfirði hækkaði árið 2022 og var svipuð og á árunum 2013-2015. Mikið var af ýsu á svæðinu en árin 2020-2022 voru vísitölur ýsu þær hæstu frá árinu 2011. Nánari upplýsingar um niðurstöður stofnmælingarinnar í Arnarfirði, má finna í tækniskjali.
Hlekkur á tækniskýrslu um Arnarfjörð.
Stofnvísitala rækju í Ísafjarðardjúpi var svipuð og árin 2018-2020 og var yfir viðmiðunarmörkum. Vísitölur ýsu hafa verið háar frá árinu 2004. Nánari upplýsingar um niðurstöður stofnmælingarinnar í Ísafjarðardjúpi, veiðar og ráðgjöf má nálgast í tækniskjali.
Hlekkur á tækniskýrslu um Ísafjarðardjúp.
