Brim hf. er næst kvótaþakinu
Samkvæmt samantekt sem Fiskstofa hefur birt er Brim hf. það félag sem næst er leyfilegu 12% hámarki aflahlutdeildar, kvótaþakinu sem svo er gjarnan nefnt, en félagið ræður yfir 11,34% í aflamarkskerfinu. Í frétt Fiskistofu um samanlagða aflahlutdeild fiskiskipa í eigu einstakra aðila og lögaðila segir að ekkert eitt félag eða einstaklingur fari yfir þessi kvótamörk. Hins vegar er í samantektinni ekki tekið tilliti til samanlagðra aflaheimilda fiskiskipa í eigu tengdra aðila en vinnsla slíkra upplýsinga stendur nú yfir hjá stofnuninni.
Eftirfarandi fyrirtæki eru stærst í aflamarkskerfinu:
- Brim hf. 11,34%
- Samherji Ísland ehf. 7,27%
- Síldarvinnslan hf. 6,87%
Eftirfarandi fyrirtæki eru stærst í krókaaflamarkskerfinu:
- Grunnur ehf. 4,7%
- Jakob Valgeir ehf. 4,12%
- Stakkavík ehf. 4,06%