Engin viðbót við strandveiðar
Matvælaráðuneytið hefur hafnað beiðni Landssambands smábátaeigenda um að bæta 4 þúsund tonnum af þorkskvóta við strandveiðipottinn. Landssamband smábátaeigenda sendi Svandísi Svavarsdóttur matvælaráðherra erindi þess efnis þann 25. júní síðastliðinn.
LS fór þess á leit að ráðherra myndi koma í veg fyrir stöðvun veiðanna í annarri viku júlímánaðar með því að hækka aflaviðmiðið og tryggja um leið jafnræði á milli landshluta.
Í svari ráðuneytis segir að öllum veiðiheimildum fyrir fiskveiðiárið hafi þegar verið ráðstafað, einnig með tilliti til strandveiða. Ráðuneytið hafi ekki lagaheimild til þess að fallast á erindi sambandsins.