Afhentu ráðherra 46 þúsund undirskriftir

Bjarkey Olsen Gunnarsdóttir matvælaráðherra tók á Austurvelli í gær við 46 þúsund undirskriftum gegn fiskeldi í opnum sjókvíum. Þórarinn Ingi Pétursson, formaður atvinnuveganefndar, tók einnig við undirskriftunum.

Söfnunin hófst í haust og bárust undirskriftirnar bæði frá Íslendingum og erlendum aðilum. Undirskriftirnar voru prentaðar á pappamyndir af eldislaxi sem veiddist í á hér á landi í fyrra.

Bjarkey sagði við þetta tilefni að sjókvíaeldisfrumvarpið væri á borði atvinnuveganefndar. Hún vonaðist til þess að nefndin lítil til undirskriftanna, þegar ákvarðanir verða teknar.