Auglýsa eftir styrkumsóknum
BioProtect verkefnið auglýsir eftir fimm svæðum til að þiggja styrki upp á allt að 100.000 evrur hvert, sem og tæknilega aðstoð til að innleiða og bæta svæðisbundin stjórnunarverkfæri, sem eru þróuð eru af verkefninu sjálfu. Verkefnið kemur til móts við þær brýnu áskoranir sem mannlegar athafnir ásamt loftslagsbreytingum hafa haft á sjávarvistkerfin okkar. Matís stýrir verkefninu í samstarfi við Hafrannsóknastofnun sem er styrkt um 8 milljónir evra.
Hafró greinir frá þessu á vef sínum.
Þar segir að sveitarfélög, svæðisbundin samtök frá aðildarríkjum ESB og fleiri geti sótt um en umsóknin þurfi að vera í samstarfi við sveitarstjórn. Þar sem Ísland sé þátttakandi í verkefninu geti hérlendir umsækjendur og aðilar frá öðrum þátttökulöndum ekki sótt um styrk.
Auk þess þarf að tryggja að þátttakendur séu skráðir á Fjármögnunar- og útboðsgáttina og hafi 9 stafa þátttakendaauðkenniskóða (PIC). Aðilar sem sæta takmarkandi ráðstöfunum ESB samkvæmt 29. grein sáttmálans um Evrópusambandið (TEU) og 215. grein sáttmálans um starfsemi ESB (TFEU) eru ekki gjaldgengir til að taka þátt sem viðtakendur FSTP.
Nánari upplýsingar um styrkveitinguna má sjá hér.