Óttast að kerfið éti sig að innan

„En hvað strand­veiðarn­ar varðar þá er bara verið að halda áfram að þróa kerfi sem mun éta sig að inn­an, þ.e.a.s. þegar þú gef­ur frjáls­an aðgang að tak­mörkuðum heim­ild­um þá fjölg­ar alltaf í hópi þeirra sem vilja fá að njóta þar til of lítið er til skipt­anna fyr­ir hvern og einn. Þetta er ná­kvæm­lega það sem við sögðum í þing­inu þegar þetta kerfi var búið til, þetta er ná­kvæm­lega það sem hef­ur gerst og þegar of marg­ir eru komn­ir inn í kerfið en það sem er til skipt­anna, hvað gera með þá? Þá grípa menn til svona ráða.“

Þetta sagði Bjarni Benediktsson, formaður Sjálfstæðisflokksins, í viðtali í Spursmálum Morgunblaðsins. Þar Bjarni spurður um þá boðuðu aðgerð stjórnvalda að tryggja strandveiðibátum 48 daga á sjó, yfir lengra tímabil en hingað til hefur verið.

„Menn segja bara, nú munu bara all­ir fá full­an skammt, all­ir munu fá 48 daga. Hvað þarftu að gera til þess að tryggja það? Þú þarft að stór­auka heim­ild­irn­ar. Hvað ger­ist eft­ir að þú hef­ur stór­aukið heim­ild­irn­ar þannig að all­ir sem núna vilja fá sína 48 daga geta fengið, það bara held­ur áfram að fjölga. Og hvað ætl­ar þú þá að gera? Þetta er kerfi sem held­ur áfram að éta sig að inn­an.“

Bjarni sagði að hann styddi fjölbreytileika í kerfinu. Hann benti líka á að veiðarnar hafi komið langbest út fyrir báta á Vesturlandi og Vestfjörðum. „Ég meina við skul­um ekki gera lítið úr því að strand­veiðarn­ar halda tals­verðu lífi í höfn­un­um víða um landið.“