Hákon til liðs við GeoSalmo
Håkon André Berg hefur verið ráðinn stjórnarformaður landeldisfyrirtækisins GeoSalmo. Hann er jafnframt á meðal stærstu hluthafa félagsins. Frá þessu greinir á vef fyrirtækisins, sem reisir landeldisstöð í Þorlákshöfn.
Fram kemur að hann hafi áður verið forstjóri norka landeldisfyrirtækisins Salmon Evolution, sem er stærsta landeldið í Noregi.
Í fréttinni segir að Hákon hafi auk reynslunnar af landeldi starfað við fjárfestingar, viðskiptaþróun og ráðgjöf, auk þess að sitja í stjórnum fyrirtækja. Sú reynsla muni nýtast vel í því verkefni sem unnið er að í Þorlákshöfn.
Fyrsta skóflustunga stöðvarinnar var tekin í janúar síðastliðnum.