Hafró leitar að doktorsnema í sjávarlíffræði

Hafrannsóknastofnun óskar eftir að ráða doktorsnema til starfa við rannsóknir í sjávarlíffræði í verkefni sem snýr að þáttum sem hafa áhrif á meðafla sjávarspendýra og fugla í fiskveiðum við landið. Staðan er til 4 ára.

Helstu verkefni og ábyrgð:

Rannsóknir á hvaða þættir hafa áhrif á meðafla sjávarspendýra og sjófugla í íslenskum fiskveiðum. Gögnum fyrir rannsóknina hefur nú þegar verið safnað, en tækifæri verða til að taka þátt í gagnasöfnum fyrir önnur verkefni í þessum geira. Þátttaka í rannsóknaverkefnunum Marine Beacon og CIBBRiNA sem eru stór verkefni Evrópusambandsins og snúa að leiðum til að minnka meðafla í fiskveiðum. Þátttaka í öðrum rannsóknum Hafrannsóknastofnunar á sjávarspendýrum við landið. Birting niðurstaðna í vísindagreinum, skýrslum, og erindum.

Hæfniskröfur:

• Meistarapróf í sjávarlíffræði, tölfræði eða skyldum greinum.
• Reynsla af rannsóknum á sviði sjávarlíffræði. Birtingar rannsóknaniðurstaðna í ritrýndum vísindatímaritum er kostur
• Metnaður, frumkvæði og sjálfstæði í vinnubrögðum.
• Jákvætt viðmót, samstarfsvilji og hæfni til að vinna í teymi.
• Góð færni til að tjá sig í ræðu og riti á ensku. Íslenskukunnátta er kostur
• Reynsla og þekking í R skilyrði.

Sjá nánar hér.