SFS: Daði Már týnir sjálfum sér
Samtök fyrirtækja í sjávarútvegi (SFS) hafa gagnrýnt Daða Má Kristófersson, fjármála- og efnahagsráðherra, fyrir að víkja frá fyrri afstöðu sinni varðandi áhrif veiðigjalda á sjávarútveginn. Í grein sem birtist á vef SFS þann 24. maí 2025, bendir Heiðrún Lind Marteinsdóttir, framkvæmdastjóri samtakanna, á að Daði Már hafi árið 2012, sem sérfræðingur í nefnd á vegum atvinnuveganefndar Alþingis, varað við neikvæðum áhrifum hækkunar veiðigjalda. Hann hafi þá talið að engin fyrirtæki gætu staðið undir þeim álögum sem frumvarpið fól í sér í óbreyttri mynd.
Í nýlegum umræðum um frumvarp atvinnuvegaráðherra um hækkun veiðigjalda hefur Daði Már hins vegar lýst síðasta áratug sem „sá besti í sögu íslensks sjávarútvegs“ og dregið úr áhyggjum af áhrifum hækkunar veiðigjalda. SFS bendir á að þessi afstaða stangist á við fyrri viðvaranir hans og að gögn sýni að hækkun veiðigjalda árið 2012 hafi leitt til samþjöppunar í greininni og fækkunar smærri útgerða.
Samtökin leggja áherslu á að breytingar á regluverki, eins og hækkun veiðigjalda, geti haft veruleg áhrif á rekstur sjávarútvegsfyrirtækja og efnahag sjávarbyggða. Þau hvetja til þess að slíkar breytingar séu gerðar með varúð og í ljósi fyrri reynslu.