-->

Landað í Eyjum og Hafnarfirði

Bergur VE landaði fullfermi í Vestmannaeyjum á þriðjudag og Vestmannaey VE landað einnig fullfermi í Hafnarfirði í gær. Heimasíða Síldarvinnslunnar ræddi við Ragnar Waage Pálmason, skipstjóra á Bergi, og Egil Guðna Guðnason, skipstjóra á Vestmannaey, og spurði frétta af veiðunum. Ragnar sagði að veiðiferðin hjá Bergi hefði gengið vel. „Við vorum tvo og hálfan sólarhring höfn í höfn. Veitt var á Víkinni og í Reynisdýpinu. Meirihluti aflans var ufsi en síðan var hann blandaður. Við þurftum að fara til hafnar sl. laugardag og þá var landað 35 tonnum. Við munum halda á ný til veiða í dag enda hefur veðrið heldur skánað frá því sem verið hefur,“ segir Ragnar.

Egill Guðni Guðnason segir að afli Vestmannaeyjar hafi verið afar blandaður en mest af þorski og karfa. „Við fórum á Vestfjarðamið að þessu sinni. Hófum veiðar á Kópanesgrunni og Nesdýpi en síðan var haldið á Halann og í Djúpálinn. Veðrið slapp til. Við gátum verið að veiðum allan tímann. Það kom síðan skítaveður á þessum slóðum akkúrat þegar við vorum komnir í land,“ segir Egill Guðni.

Vestmannaey hélt til veiða á ný síðdegis í gær.
Bergur VE landaði á þriðjudag. Ljósm. Arnar Richardsson

 

 

Tengdar færslur

thumbnail
hover

Frumraun Hoffellsins á kolmunnamiðunum

Uppsjávarskipið Hoffell SU er nú á landleið með 2.250 tonn af kolmunna sem fékkst um 100 mílur suður af Færeyjum, að því er seg...

thumbnail
hover

Losuðu dauðan hval

Áhöfn sjómælingaskipsins Baldurs losaði síðastliðinn miðvikudag dauðan hval á Stakksfirði en hann hafði flækst í botnföstu t...

thumbnail
hover

Skagfirðingar mótmæla breytingum á strandveiðikerfinu

Í nýrri ályktun Drangeyjar, smábátafélags Skagafjarðar er mótmælt fyrirætlan Svandísar Svavarsdóttur, matvæltráðherra, að hv...