Sáttafundur klukkan tvö

Samninganefndir, sjómanna, vélstjóra og útgerðarinnar koma saman til fundar hjá ríkissáttasemjara klukkan 14. Það er ríkissáttasemjari sem boðar til fundarins.

Eftir því sem fréttastofa ruv.is  kemst næst eru engar sérstakar vendingar í málinu núna, en ríkissáttasemjari engu að síður séð ástæðu til að kalla deilendur saman.Verkfall sjómanna hefur staðið í tæplega tvo mánuði. Stjórnvöld hafa lýst því yfir að þau hyggist ekki setja lög á verkfallið, heldur sé það í höndum deilenda að leysa málin. Það sem einkum er tekist á um er hlutur sjómanna í olíukostnaði og endurupptaka sjómannaafsláttar.