„Lokatilboð“

Nú virðist vera að draga til tíðinda í kjaradeilu sjómanna og útvegsmanna. Sjómannasamband Íslands hefur lagt fram „lokatilboð“ í deilunni. Í því felst lækkun á kröfunni um breytingar á hlutdeild sjómanna í olíukostnaði en ekki hafa fengist upplýsingar um aðra þætti tilboðsins. Þátttaka sjómanna í olíukostnaði og endurheimt sjómannaafsláttar eru þær meginkröfur, sem nú standa óleystar.

Það er undir stjórnvöldum komið, hvort þau munu veita sjómönnum afslátt frá skattgreiðslum vegna vinnu fjarri heimahögum. Aðrar stéttir njóta þeirra fríðinda en yfirlýsingar frá ráðherrum ríkisstjórnarinnar hafa til þessa ekki bent til þess að hún muni hafa afskipti af kjaradeilunni.

„Við ákváðum að leggja fram ákveðið tilboð til SFS til lausnar deilunni. Það er okkar lokahnykkur í málinu. Við komumst ekki lengra,“ segir Valmundur Valmundsson, formaður Sjómannasambands Íslands. Hann tekur fram að tilboðið sé frá Sjómannasambandinu en alls standa fjögur félög í kjaradeilu við Samtök fyrirtækja í sjávarútvegi. „Þetta verður kynnt þeim núna, í dag,“ sagði Valmundur um samskiptin við SFS í samtali við ruv.is í gær.

Valmundur vildi ekki tjá sig efnislega um tillöguna þegar fréttastofa ræddi við hann. Bryndís Hlöðversdóttir ríkissáttasemjari setti viðsemjendur í kjaradeilu útgerða og sjómanna í fjölmiðlabann fyrir rúmri viku.

Bryndís sagði í samtali við fréttastofu klukkan fjögur í gær að ekki hefði verið boðað til nýs fundar í kjaradeilunni. Hún er í samskiptum við viðsemjendur og boðar til fundar þegar hún telur framvinduna gefa tilefni til þess.

„Við hérna í samn­inga­nefnd­inni vor­um bara að fá til­boð í hend­urn­ar,“ seg­ir Jens Garðar. „Að sjálf­sögðu eru öll til­boð skoðuð og við mun­um að sjálf­sögðu núna, við samn­inga­nefnd­in okk­ar, heyr­ast á eft­ir og svo bara sjá­um við til með fram­haldið,“ sagði hann í samtali við mbl.is

Spurður hvort hann bindi von­ir við til­boðið seg­ir Jens Garðar of snemmt að segja nokkuð til um það. „Ég var bara fyr­ir ör­skömmu síðan að fá til­boðið í hend­urn­ar þannig að ég á nú al­veg eft­ir að átta mig svona heilt yfir á því og reikna og fleira. Þannig að ég get ekk­ert sagt um það að svo stöddu.“

Jens fer fyr­ir samn­inga­nefnd SFS og ger­ir hann ráð fyr­ir að nefnd­in muni funda fljót­lega í kvöld og síðan ræða við full­trúa sjó­manna í fram­hald­inu. Tel­ur hann þó lík­legt að það verði ekki fyrr en í fyrsta lagi á morg­un. Jens vill þó ekki veita frek­ari upp­lýs­ing­ar að svo stöddu um eðli til­boðsins. „Við erum nátt­úr­lega bund­in bara frétta­banni,“ seg­ir Jens Garðar. „Mér hef­ur líka sýnst það bara að fæst orð bera minnsta ábyrgð í þessu og það mættu fleiri til­einka sér það.“

Spurður hvort hafi verið til umræðu hjá samn­inga­nefnd SFS að gefa frek­ar eft­ir kröf­ur sjó­manna seg­ir Jens Garðar: „Í þessu verk­falli og þess­um samn­ingaviðræðum þá nátt­úr­lega hafa menn verið að kasta fram og til baka ýms­um hug­mynd­um. Og auðvitað er það bara eðli samn­inga, að menn von­andi á ein­hverj­um tíma­punkti kom­ast að niður­stöðu.“