Breki VE í kínverskri þurrkví

Togararnir Breki VE og Páll Pálsson ÍS hafa verið teknir í þurrkví í skipasmíðastöðinni í Kína til að botnhreinsa þá og mála. Þetta er eitt af frágangsverkunum áður en skipin verða afhend eigendum sínum í aðdraganda siglingar til heimahafna á Íslandi.

Reynslusiglingum og veiðarfæraprófunum á miðun úti fyrir Kínaströndum lauk á nýliðnu ári og nú fer að nálgast að togararnir verði „útskrifaðir“, sem ætti að gerast fyrr en síðar.

Ljósmynd Finnur Kristinsson