Ríkið fjármagnar helming næstu fimm björgunarskipa
Á landsþingi Slysavarnafélagsins Landsbjargar rituðu dómsmálaráðherra, Jón Gunnarsson og Otti Rafn Sigmarsson, formaður Slysavarnafélagsins Landsbjargar, undir samkomlag um aðkomu ríkisins að fjármögnun fimm nýrra björgunarskipa. Frá þessu er greint á Facebooksíðu Landsbjargar.
Þar segir að þegar hafi verið samið smíði þriggja nýrra skipa, tvö verið afhent, og von á því þriðja í haust.
„Þessi samningur er afar mikilvægur því verkefni að endurnýja öll 13 björgunarskip félagsins. Samingurinn tryggir fjármögnun ríkisins á um helming kaupverðs næstu fimm skipa.”
Fram kemur á vef Fiskifrétta að ríkið fjármagni um helming kaupverðs næstu fimm skipa.