Útlit fyrir að strandveiðum ljúki um mánaðamótin
Rétt um 60% strandveiðipottsins hefur verið veiddur, þegar enn lifa tvær vikur júnímánaðar. Frábær veiði var á miðunum í vikunni, enda blíða um allt land. Fyrrihluta júnímánaðar hafa rétt tæplega 3000 tonn af þorski komið á land. Ef síðari hluti júnímánaðar verður eins klárast potturinn um mánaðamótin. Ef engar viðbætur fást verður vertíðin búin þegar hún ætti að vera hálfnuð.
Bátar á veiðum eru orðnir 743 og hafa aldrei verið fleiri. Þar af eru 342 á A-svæði eða 46
Sandgerði er besta löndunarhöfnin, það sem af er vertíðinni en þar hefur mikill ufsi vegið upp meðaltalið. Þar hafa 675 tonn komið á land. Hér fyrir neðan má sjá þær 20 löndunarhafnir þar sem meðalveiði á hverja löndun er mest.
Hornafjörður | 1181 |
Þorlákshöfn | 979 |
Grindavík | 934 |
Arnarstapi | 911 |
Sandgerði | 843 |
Ólafsvík | 826 |
Rif | 813 |
Djúpivogur | 813 |
Tálknafjörður | 781 |
Grundarfjörður | 775 |
Patreksfjörður | 770 |
Bíldudalur | 766 |
Norðurfjörður | 758 |
Breiðdalsvík | 751 |
Drangsnes | 749 |
Vestmannaeyjar | 741 |
Akranes | 734 |
Suðureyri | 728 |
Stykkishólmur | 728 |
Brjánslækur | 722 |