Reglugerðir um komandi fiskveiðiár
Birtar hafa verið í Stjórnartíðindum fjórar reglugerðir um veiðar á fiskveiðiárinu sem hefst 1. september næstkomandi. Landsamband smábátaeigenda vekur athygli á þessu á vef sínum.
Í fréttinni segir að leyfilegur heildarafli í þorski verður 209 194 tonn, í ýsu 74 711 tonn og ufsa 66 418 tonn.
1,3% aukning í þorski – 2.758 tonn, 23,3% aukning í ýsu – 14 142 tonn, en leyfilegur heildarafli í ufsa minnkar um 6,6% – 4 727 tonn.
Þá er bent á að í reglugerð um veiðar í atvinnuskyni sé tafla sem sýnir hversu mikið komi í 5,3% pottinn. Þar komi fram að viðmiðunarafli þorsks til strandveiða verður óbreyttur milli ára 10 þúsund tonn.
