Hafró vill ráða fiskifræðing

Hafrannsóknastofnun leitar eftir sérfræðingi í fiskifræði að því er fram kemur í auglýsingu á vef stofnunarinnar. Sérfræðingurinn mun starfa við rannsóknir á sviði fiskifræði. Starfið snýr einkum að gagnarýni, rannsóknum á lífssögu tegunda og mati á stofnstærð hryggleysingja. Leitað er að einstakling sem hefur góða færni til að vinna í þverfaglegri teymisvinnu. Umsækjendur þurfa að hafa reynslu af rannsóknum og birtingu niðurstaðna.

Helstu verkefni og ábyrgð

• Þátttaka í stofnmati og ýmsum rannsóknarverkefnum sem tengjast fiskifræði og vistfræði.
• Úrvinnsla gagna, skipulagning rannsóknaleiðangra og samskipti við hagaðila.
• Birting niðurstaðna í vísindagreinum, skýrslum og erindum.

Hæfniskröfur

• Meistarapróf í fiskifræði, tölfræði, stærðfræði eða skyldum greinum er skilyrði. Doktorspróf er kostur.
• Reynsla af rannsóknum á sviði fiskifræði er kostur.
• Reynsla af birtingu rannsóknaniðurstaðna.
• Metnaður, frumkvæði og sjálfstæði í vinnubrögðum.
• Jákvætt viðmót, samstarfsvilji og hæfni til að vinna í teymi.
• Góð færni til að tjá sig í ræðu og riti á ensku.

Nánar um starfið og umsóknarferlið má finna á vefnum okkar.
Hægt er að sækja um starfið í gegnum Starfatorg til og með 26. september 2023.