Áslaug Arna hjólaði í Svandísi
Áslaug Arna Sigurbjörnsdóttir háskóla-, iðnaðar- og nýsköpunarráðherra gagnrýndi Svandísi Svavarsdóttur matvælaráðherra í ræðu á Degi Sjávarútvegsins í Hörpu í fyrradag. Þar hélt hún ræðu um nýsköpun en sagði fyrst að það væri freistandi að ræða málefni líðandi stundar. Hún sagði Svandísi vera samnefndara regluverka og eftirlits á meðan hún varpaði mynd af henni upp á vegg. Svo sagði hún að láta ætti þau kerfi í friði sem virkuðu.
Áslaug segist ekki sjá eftir ræðu sinni en viðurkennir í samtali við fjölmiðla að Svandís hafi ekki verið kát.
Katrín Jakobsdóttir forsætisráðherra hefur í kjölfarið látið hafa eftir sér, að svona geri maður ekki.