Búnaður frá Hefring í öll nýju björgunarskipin
Slysavarnafélagið Landsbjörg og íslenska fyrirtækið Hefring Marine hafa komist að samkomulagi um að koma sérstökum tækjabúnaði Hefring í öll nýju skip Slysavarnafélagsins Landsbjargar. Frá þessu greinir í fréttatilkynningu. Góð reynsla er að sögn af notkun búnaðarins í björgunarskipinu Þór í Vestmannaeyjum.
Tæknin byggir á samspili gervigreindar og skynjara. Hún gerir skipstjóranum kleift að meta og taka ákvarðanir um hraða, siglingaleið og siglingalag skipsins. Við það sparast eldsneyti auk þess sem öryggi áhafnar eykst, að því er segir í tilkynningunni. Nemanir fylgjast stöðugt með sjólagi, ölduhæð og höggum sem verða á skipskrokknum. Tækið gefur skipstjóra ráðleggingar um stjórn skipsins til að minnka álag.
Búnaðurinn frá Hefring Marine mun með þessum hætti verja skip og áhöfn fyrir óvæntum atburðum og þar með draga verulega úr líkum á óhöppum eða slysum.