SVG og VM samþykkja kjarasamning
Sjómanna- og vélstjórafélag Grindavíkur (SVG) og Félag vélstjóra og málmtæknimanna (VM) hafa samþykkt kjarasamning við Samtök fyrirtækja í sjávarútvegi (SFS).
VM samþykkti samninginn með 67,6% atkvæða en 31,3% greiddu atkvæði gegn samningnum. Kosningaþátttaka var um 64%.
SVG samþykkti samninginn með 56,4% atkvæða en 38,3% voru á móti. Kosningaþátttaka var 43.6%.
Á vef VM segir að samningurinn taki gildi frá 1. janúar síðastliðnum og kveður á um mikilvægar kjarabætur fyrir vélstjóra, ekki síst þegar kemur að lífeyrismálum og tímakaupi þegar þeir vinna í landi. Samningurinn gildir til 31. desember 2033, nema honum verði sagt upp fyrr.