Auglýst eftir fólki á vertíð
Síldarvinnslan auglýsir á vef sínum eftir fólki til starfa á makríl- og síldarvertíð 2024. Störfin eru í fiskiðjuverinu í Neskaupstað. Fram kemur að um sé að ræða framleiðslustörf í hátæknivæddu fiskiðjuveri sem henti öllum sem vilja vinna vaktavinnu á góðum vinnustað. Vertíðin hefst um mánaðamótin júní-júlí og nær fram í september. Tekið er fram að störfin henti vel þeim sem eru 18 ára og eldri, svo sem skólafólki. Unnið er á 12 tíma vöktum.