Mikill samdráttur í sjávarútvegi
![](https://audlindin.is/wp-content/uploads/2021/02/löndun-fuglar-e1680183881617-750x375.jpg)
Hagstofa Íslands greinir frá því í tilkynningu að 18% samdráttur hafi orðið í sjávarútvegi og fiskeldi í mars og apríl 2024, samanborið við 2023. Velta jókst hins vegar í flestum atvinnugreinum hagkerfisins. Aukningin var þó almennt lítil umfram verðbólgu. „Þannig var jákvæður raunvöxtur í fjórum af 14 stærstu atvinnugreinum landsins; fasteignaviðskiptum, byggingarstarfsemi, upplýsingatækni og fjarskiptum og að minna leyti í ferðaþjónustu en nokkuð hefur hægt á vexti hennar undanfarið. Lítill vöxtur og lækkanir voru hins vegar í öðrum greinum en velta dróst mest saman í bílasölu, sjávarútvegi og álframleiðslu.”