Leikstjóri segir auglýsinguna skelfilega

Ragnar Bragason, leikstjóri, gagnrýnir harkalega nýja auglýsingaherferð Samtaka fyrirtækja í sjávarútvegi (SFS). Hann lýsir auglýsingunni sem „skelfilegri“ og gagnrýnir hana fyrir klént og illa afgreitt handrit þrátt fyrir mikinn framleiðslukostnað. Ragnar bendir sérstaklega á kaldhæðnislegt orðaval í texta auglýsingarinnar: „Hér er möguleiki á að græða helling af peningum“, sem hann segir lýsandi fyrir verstu afleiðingar kvótakerfisins. Hann vísar þar til hruns margra smárra sjávarþorpa á landsbyggðinni sem hann telur hafa verið afleiðing af græðgi undir merkjum hagræðingar.

Leikstjórinn gagnrýnir einnig SFS harðlega fyrir að eyða tugum ef ekki hundruðum milljóna í auglýsingaherferðir og áróður sem hann segir engan nema innvígða styðja. Hann heldur því fram að herferðin sé byggð á ranghugmyndum og rangfærslum og segir hana nálægt siðleysi. Ragnar líkir þessu við bruðl og veruleikafirrt ástand á tímabilinu fyrir bankahrunið.