Fiskistofa sýnir aflasamsetningu vinnsluskipa
Fiskistofa hefur tekið saman gögn sem sýna aflasamsetningu vinnsluskipa sem lutu eftirliti Fiskistofu á árinu 2021.
Teknar voru saman upplýsingar um aflasamsetningu í tveimur veiðiferðum sem farnar voru áður en eftirlitsmaður fór með, meðan eftirlitsmaður er um borð og svo í tveimur veiðiferðum sem farnar voru eftir að eftirlitsmaður hafði verið um borð. Veiðiferðir þar sem eftirlitsmenn eru um borð eru auðkenndar með feitu letri.
Ekki er lagt mat á það hvar skipin voru að veiðum en það getur eðli málsins samkvæmt haft áhrif á aflasamsetningu.
Niðurstöðurnar má sjá á slóðinni https://assets.ctfassets.net/8k0h54kbe6bj/5JkHG2JlbLqJgvprQIqRRm/7e5b1d1b68101dfb204308637d98a966/Vinnsluskip_2021.pdf