-->

Hámarkskvóti á makríl felldur úr gildi í Færeyjum

Sjávarútvegsráðuneyti Færeyja hefur afnumið aflahámark á skip á makrílveiðum á þessu ári. 5.508 tonn voru til skiptanna fyrir makrílskipin í ár og var hámark á hvert skip 1.515 tonn. Samkvæmt reglugerð um veiðarnar er sjávarútvegsráðherranum heimilt að hækka hámarkið eða afnema það, séu líkur á því að heildarkvótinn náist ekki.

Samkvæmt aflastöðulista Varnar, fiskistofu Færeyja, eru nú um 1.000 tonn eftir af heildarkvótanum og ekki líkur á að hann náist með núverandi skipan um hámark á hvert skip. Því mega útgerðir skipanna fiska að vild uns heildarhámarkinu er náð.
Breytingin tekur gildi 17. nóvember.

Rétt er að geta þess að veiðum íslenskra skipa á makríl er lokið fyrir allnokkru enda mega þau þau ekki fiska makríl nema í eigin lögsögu og í Síldarsmugunni. Makríllinn er genginn sunnar eftir ætisgöngur hér við land, en færeysku skipin hafa heimild til að sækja makríl í eigin lögsögu og suður í lögsögu Noregs og ESB þar sem fiskurinn heldur sig nú.

 

 

Tengdar færslur

thumbnail
hover

Ofnbökuð bleikja

Íslensk bleikja er einhver besti fiskur sem hægt er að fá í matinn. Hún er ekki eins feit og eldislaxinn, bragðið eiginlega alveg ei...

thumbnail
hover

Yfir 50 sóttu um tvö störf...

Síldarvinnslan auglýsti nýverið tvær stöður, rekstrastjóra uppsjávarfrystingar og rekstrastjóra útgerðar. Attentus-mannauður og...

thumbnail
hover

Samdráttur í útflutningi sjávarafurða

Útflutningsverðmæti sjávarafurða var rúmir 23,7 milljarðar króna í maí, sem er í samræmi við bráðabirgðatölur Hagstofunnar ...