Sítrónufiskur fyrir 4

Fiskur og aftur fiskur, en aldrei eins. Hvorug þessi fullyrðing er sennilega rétt. En gott er að borða fisk oft í viku og fjölbreytileikinn er nánast óendanlegur. Þess vegna verður fiskur aldrei leiðigjarn matur. Það þarf bara gott hugmyndaflug við eldamennskuna en ef manni farlast það flug er bara að fletta upp í uppskriftabókum eða fara á netið og finna síður með uppskriftum að fiski. Þær eru líka nánast óteljandi. Þessa fundum við á síðunni allskonar.is.

Innihald:

Í þennan rétt geturðu notað þorsk eða ýsu, löngu eða hlýra eða jafnvel steinbít. Þetta er ótrúlega fljótleg og einföld uppskrift og mestu skiptir að hráefnið sé gott.

  • 700gr fiskflök
  • 3 msk smjör
  • safi úr 1/2 sítrónu
  • 4 msk hveiti
  • 1/2 tsk salt
  • 1/4 tsk hvítur pipar, malaður
  • hnífsoddur ungversk paprika

Aðferð:

Undirbúningur: 10 mínútur

Eldunartími: 20-25 mínútur

Hitaðu ofninn í 170°C.

Skerðu fiskflökin í fallega bita, ágætt er að miða við skammtastærð í bitastærðinni.

Settu smjörið í pott og bræddu, settu sítrónusafann út í og taktu pottinn af hitanum.

Blandaðu hveiti, salti og hvítum pipar saman og settu á disk.

Dýfðu fiskinum í smjörið og þar næst í hveitiblönduna. Veltu honum vel upp úr hveitiblöndunni.

Settu fiskbitana í eldfast mót, ekki smyrja mótið.

Helltu afgangnum af smjörinu yfir fiskinn og dreifðu smávegis ungverskri papriku yfir, ekki of miklu samt.

Bakaðu inn í ofni við 170°C í 20-25 mínútur eða þar til fiskurinn er tilbúinn, tíminn fer eftir stærð, tegund og þykkt fisksins.

Berðu fram með fersku og góðu íslensku grænmeti og nýjum kartöflum.
Vel kælt J.P Chenet Medium Sweet er frábært með.

 

Tengdar færslur

thumbnail
hover

Pönnusteiktur silungur með kúmeni

Sumum finnst nýjungar vera góðar og svo er vissulega í hæfilegum mæli. En það er líka hollt að líta til baka og sjá hvað áður...

thumbnail
hover

Þorskur með sinnepsmæjónesi

Nú breytum við nokkuð til með uppskriftina, en hugmyndin að henni er fengin frá Alaska. Hún er einföld og rétturinn skemmtilega fr...

thumbnail
hover

Bleikjurúllur með kotasælu og aspas

Engin þjóð í heimi framleiðir jafnmikið af bleikju úr eldi eins og Ísland. Ekkert eitt fyrirtæki í heiminum framleiðir meira af b...