Meiri byggðakvóti til Flateyrar

Deila:

Byggðastofnun og átta útgerðir á Flateyri hafa gert drög að samkomulagi um samstarf um nýtingu á 199 þorskígildistonna aflamarks á yfirstandandi fiskveiðiári og á 100 þorskígildistonnum á næsta fiskveiðiári. Til viðbótar kemur mótframlag útgerðanna.  Meginmarkmið samnings þessa er að auka við byggðafestu á Flateyri í Ísafjarðarbæ með því að tryggja öruggari hráefnisöflun til Fiskvinnslu Flateyrar og meiri verkefni fyrir þá báta sem koma að samkomulaginu.

Samningurinn er viðbót við samning Fiskvinnslu Flateyrar ehf. og samstarfsaðila sem gerður var í ágúst 2015 um nýtingu á 300 tonna aflmarki Byggðastofnunar á Flateyri.

Framsal á þeim kvóta sem er úthlutað samkvæmt samningnum er óheimili, en jöfn skipti á aflamarki í þorskígildum talið eru heimil.
Frá þessu var sagt á fréttavefnum bb.is

 

Deila: