Hærra fiskverð eykur aflaverðmæti
Aflaverðmæti úr sjó var ríflega 13,9 milljarðar í maí, sem er 20,2% aukning samanborið við maí 2018. Verðmæti botnfiskaflans nam 10,6 milljörðum og jókst um 32,5%. Af botnfisktegundum nam verðmæti þorskaflans 6,6 milljörðum (30% aukning) og verðmæti ufsaaflans tæpum 1,2 milljörðum samanborið við ríflega 600 milljónir maí 2018. Verðmæti uppsjávarafla, sem var nær eingöngu kolmunni, nam tæpum 1,8 milljörðum í maí og dróst saman um 4,5% samanborið við maí 2018. Aflaverðmæti flatfisktegunda nam tæpum 1,3 milljörðum og verðmæti skel- og krabbadýra tæpum 300 milljónum samkvæmt tilkynningu frá Hagstofu Íslands.
Verðmæti afla sem seldur var í beinni sölu útgerða til vinnslu innanlands nam tæpum 7,8 milljörðum. Verðmæti sjófrysts afla nam tæpum 3 milljörðum og verðmæti afla sem seldur var á markað til vinnslu innanlands nam tæpum 2,5 milljörðum.
Á 12 mánaða tímabili, frá júní 2018 til maí 2019, nam aflaverðmæti úr sjó tæplega 136 milljörðum króna, sem er 10,7% aukning miðað við sama tímabil ári fyrr.
Aukið aflaverðmæti skýrist fyrst og fremst af hækkuðu verði á botnfiski, því heildarafli í mánuðinum dróst saman um 13%. Þar munar mestu um 23% samdrátt í veiðum á kolmunna. Á móti kemur að botnfiskafli í maímánuði var 7% meiri en í sama mánuði í fyrra. Þorskafli jókst um 3%, ýsuafli um 20% og nærri þriðjungi meira veiddist af ufsa. Mesta verðmætisaukningin er í þorskinum í raun. Aflinn jókst um 3% en verðmæti hans um 29%. Það byggist fyrst og fremst á hækkuðu fiskverði. Verð á ýsu hækkaði hlutfallslega minna, sé miðað við aflaaukningu, sem var 20%. Ufsinn hefur hækkað mikið í verði, því heildarverðmæti aflans eykst um 90%, en aflinn aðeins um þriðjung.
Verðmæti afla 2018–2019 | ||||||
Milljónir króna | Maí | Júní-maí | ||||
2018 | 2019 | % | 2017-2018 | 2018-2019 | % | |
Verðmæti alls | 11.596,1 | 13.936,4 | 20,2 | 122.687,8 | 135.769,3 | 10,7 |
Botnfiskur | 7.998,7 | 10.597,5 | 32,5 | 86.289,9 | 102.986,5 | 19,3 |
Þorskur | 5.105,4 | 6.604,4 | 29,4 | 55.498,8 | 64.317,4 | 15,9 |
Ýsa | 716,1 | 953,1 | 33,1 | 8.768,7 | 13.892,1 | 58,4 |
Ufsi | 618,0 | 1.173,7 | 89,9 | 7.068,9 | 8.840,8 | 25,1 |
Karfi | 844,2 | 1.064,2 | 26,1 | 10.171,6 | 10.912,5 | 7,3 |
Úthafskarfi | 95,1 | 31,1 | -67,3 | 309,8 | 154,8 | -50,0 |
Annar botnfiskur | 619,9 | 771,0 | 24,4 | 4.472,1 | 4.868,9 | 8,9 |
Flatfiskafli | 1.311,4 | 1.277,2 | -2,6 | 9.025,7 | 10.594,3 | 17,4 |
Uppsjávarafli | 1.851,4 | 1.768,4 | -4,5 | 24.838,3 | 19.852,7 | -20,1 |
Síld | 0,0 | 0,0 | – | 4.504,4 | 4.655,9 | 3,4 |
Loðna | 0,0 | 0,0 | – | 5.891,7 | 0,0 | – |
Kolmunni | 1.848,6 | 1.758,9 | -4,9 | 5.924,8 | 7.678,8 | 29,6 |
Makríll | 2,8 | 9,6 | 246,2 | 8.517,5 | 7.518,0 | -11,7 |
Annar uppsjávarafli | 0,0 | 0,0 | – | 0,0 | 0,0 | – |
Skel- og krabbadýraafli | 434,7 | 293,2 | -32,5 | 2.533,8 | 2.335,8 | -7,8 |
Humar | 97,5 | 82,3 | -15,6 | 782,5 | 427,7 | -45,3 |
Rækja | 296,7 | 170,9 | -42,4 | 1.317,4 | 1.353,2 | 2,7 |
Annar skel- og krabbadýrafli | 40,5 | 40,0 | -1,2 | 433,8 | 554,9 | 27,9 |
Annar afli | 0,0 | 0,0 | – | 0,0 | 0,1 | – |