Nýr rafdrifinn gámakrani til Eimskips

Um helgina kom til landsins nýr rafdrifinn gámakrani sem hefur fengið nafnið Alda. Kraninn er 125 tonn að þyngd, er færanlegur og með 54 metra bómu sem getur þjónustað stærri skip en eldri kranar. Stýrishús kranans er einnig hærra sem gefur aukið útsýni fyrir kranastjóra.

Kraninn sem er af gerðinni Gottwald og er 10 krani félagsins af þeirri gerð. Eftir komu kranans er Eimskip með 11 krana í rekstri. Nánari upplýsingar um kranann má finna hér á heimasíðu framleiðanda.

Á sama tíma mun gámakraninn Grettir kveðja Sundahöfn. Kraninn verður fluttur til Þórshafnar í Færeyjum og mun þjónusta skip Eimskips þar. Koma Grettis til Þórshafnar fjölgar gámakrönum þar í þrjá, sem mun auka rekstraröryggi og lyftigetu hafnarinnar.

„Eitt stærsta sjálfbærniverkefni Eimskips er að minnka losun gróðurhúsalofttegunda en félagið hefur sett sér metnaðarfullt markmið varðandi það. Verkefni tengd gróðurhúsalosun eru beintengd heimsmarkmiði Sameinuðu þjóðanna sem fjallar um aðgerðir í loftlagsmálum en félagið leggur einmitt áherslu á það markmið. Alls eru 4 gámakranar á hafnarsvæðinu í Reykjavík, Jakinn, Straumur, Stormur og Alda, sem eiga það jafnframt sameiginlegt nota rafmagn í stað jarðefnaeldsneytis,“ segir í frétt frá Eimskipi.