Hoffell á veiðar eftir breytingar
Hoffell hefur verið í Færeyjum í sl. 6 vikur vegna breytinga. Nótakassinn var stækkaður úr 130 m3 í 180 m3 og settur nýr nótakrani á skipið frá Triplex í Noregi. Spilmótorar á aðalspili voru teknir upp, glussalagnir lagðar fyrir nýtt hjálparspil á framdekki. Síðan voru ýmis smærri verk unnin.
Hoffell fór frá Færeyjum sl. sunnudagskvöld og fór beint á síldarmiðin vestur af landinu og kom þangað í gærkvöldi. Síldin sem veiðist verður verkuð í salt eins og venjulega hjá Loðnuvinnslunni.