Þriðjungi minni grásleppuveiði
Grásleppuveiði er þriðjungi minni á hverja umvitjun miðað við í fyrra, ef horft er á fyrstu tíu daga vertíðanna tveggja. Á þetta er bent á vef Landssambands smábátaeigenda.
Á það er líka bent að verð á grásleppu á fiskmörkuðum hefur verið með ágætum. Í gær hafi rúm 15 tonn verið seld á 561 krónu kílóið. Meðalverð á upphafi vertíðar í fyrra hafi hækkað úr 298 í 505 krónur.
20. mars – 29. mars | ||||
10 dagar | Virk leyfi | Afli | Landanir | Afli/löndun |
2022 | 36 bátar | 113 tonn | 86 róðrar | 1.320 kg |
2023 | 36 bátar | 78 tonn | 88 róðrar | 886 kg |