Skip sem ekki hafa uppfyllt veiðiskyldu
Fiskistofa hefur tekið saman upplýsingar um skip sem ekki hafa sinnt veiðiskyldu og sent viðkomandi útgerðum póst þess efnis. Skip sem fá úthutað aflamark er skylt að veiða amk 50% af úthlutuðu aflamarki annars falla aflahlutdeildir skipsins niður. Hægt er að fá undanþágu frá veiðiskyldunni ef skip tefst frá veiðum í amk. 4 mánuði vegna tjóns eða meiriháttar bilana.
Þeir aðilar sem eiga skip sem ekki hafa uppfyllt veiðiskyldu hafa fengið tilkynningu þess efnis sent inn á pósthólf viðkomandi á island.is. Alls fengu 159 aðilar tilkynningu um að ekki væri búið að uppfylla veiðiskylduna.
Upplýsingar um veiðiskyldu skipa eru fundnar með því að fletta upp skipi í gegnum hnappinn skipaleit á vefsíðu Fiskistofu eða á gagnasíðum. Staða veiðiskyldu fyrir skipið sést þegar ýtt er á hnappinn aflamark.