Björgunarskip skemmt í Kópavogshöfn
Unglingspiltar eru grunaðir um að hafa grýtt björgunarskipið Stefni í Kópavogshöfn fyrir skemmstu. MBL hefur eftir hafnarverði að þetta hafi verið að minnsta kosti hundrað steinar.
Fram kemur að kvarnast hafi upp úr lakki á bátnum og plasti undir lakki á skel bátsins. Þá hafi kvarnast úr rúðu og báturinn hafi marist.
Hafnarvörður segir að þetta sé ekki í fyrsta sinn og sennilega ekki það síðasta, sem skemmdarverk eru unnin á svæðinu.