Eðalfang kaupir 101 Seafood
Eðalfang ehf., móðurfélag matvælafyrirtækjanna Eðalfisks efh. í Borgarnesi og Norðanfisks á Akranesi, hefur keypt meirihluta í félaginu 101 Seafood ehf. Þetta kemur fram í tilkynningu. Eðalfang kaupir 50,1% hlutafjár í félaginu.
Eðalfiskur sérhæfir sig í framleiðslu og sölu á unnum laxaafurðum en Norðanfiskur framleiðir, selur og dreifir sjávarfangi til veitinga- og stóreldhúsa ásamt sölu í verslanir.
„101 Seafood hefur tekist að skapa sér sérstöðu á markaði við innflutning og sölu sjávarafurða. Með góðum samböndum við trygga birgja hefur félagið orðið leiðandi í innflutningi á eftirsóttum skelfiski á borð við humar og hörpudisk,“ segir í tilkynningunni. Þar er haft eftir Andra Gunnarssyni stjórnarformanns að markmiðið sé að styrkja rekstur Eðalfangssamstæðunnar. Fram kemur að félögin hafi átt í nánu samstarfi undanfarin ár og kaupin séu liður í frekari samvinnu til frambúðar.