Arnarlax fær leyfi fyrir nýju eldi við Tálknafjörð
Matvælastofnun hefur veitt Arnarlaxi ehf. rekstrarleyfi til fiskeldis að Gileyri við Tálknafjörð. Um er að ræða nýtt rekstrarleyfi fyrir 1.000 tonna hámarkslífmassa vegna seiðaeldis á laxi og bleikju. Matvælastofnun auglýsti tillögu að rekstrarleyfi á vef stofnunarinnar þann 8. nóvember 2023 og var frestur til að skila inn athugasemdum til 6. desember 2023.
Þetta kemur fram á heimasíðu Matvælastofnunnar. Fram kemur í tilkynningu að starfsemin sé einnig háð starfsleyfi Umhverfisstofnunar.