Saka ráðherra um leyndarhyggju og ógagnsæi

Samtök fyrirtækja í sjávarútvegi (SFS) hafa sent erindi til atvinnuvega- og nýsköpunarráðherra þar sem þau gagnrýna óljósa lagaumgjörð um ákvörðun veiðigjalds og skort á gagnsæi í stjórnsýslu.

Í bréfinu segja samtökin að meginforsendur veiðigjaldsákvarðana – meðal annars mat á arðsemi sjávarútvegs – séu ekki birtar opinberlega og því ekki unnt að sannreyna eða áfrýja þeim. Þetta telja þau stangast á við grundvallarreglur upplýsingalaga og vandaða stjórnsýsluhætti.

„Upplýsingar sem liggja að baki ákvörðunum um veiðigjald eru nauðsynlegar til þess að atvinnugreinin geti gætt réttar síns,“ segir í erindinu. Þá er bent á að þegar stjórnvöld ákvarði álögur af þessu tagi verði ferlið að byggja á gegnsæi og skýrum lagagrundvelli.

SFS fer fram á að ráðuneytið tryggi að:

• allar forsendur útreiknings veiðigjalds verði gerðar opinberar;

• samtökin fái aðgang að upplýsingum úr skýrslum Hagfræðistofnunar um afkomu greinarinnar;

• og að farið verði yfir lagaumgjörðina með hliðsjón af meginreglum stjórnsýsluréttar og upplýsingalaga.

Í niðurlagi bréfsins vara samtökin við þeirri „leyndarhyggju“ sem hefur einkennt vinnslu og ákvarðanatöku um veiðigjaldið. Slík vinnubrögð séu ekki í samræmi við lög eða góða stjórnsýslufræði og geti leitt til ólögmætra ákvarðana. Þau telja brýnt að stjórnvöld bregðist við og tryggi gagnsæi og réttaröryggi.