-->

Fer í draumafríið um jólin

Maður vikunnar að þessu sinni er borinn og barnfæddur Dalvíkingur. Fyrsta launaseðilinn fékk fyrir útskipun á rækju hjá Söltunarfélagi Dalvíkinga. Síðan tóku við nokkrar grásleppuvertíðir með afa, uns hann munstraði sig á togarann Björgúlf EA, þá á sextánda ári.

Nafn:

Reimar Viðarsson.

Hvaðan ertu?

Ég er borinn og barnfæddur Dalvíkingur.

Fjölskylduhagir?

Giftur Guðnýju Rut Bragadóttur og eigum við þrjá stráka á aldrinum 5-15 ára.

Hvar starfar þú núna?

Ég starfa sem sölu-og þjónustustjóri ITUB keraleigu.

Hvenær hófst þú vinnu við sjávarútveg?

Fyrsti launaseðillinn minn kom frá Söltunarfélagi Dalvíkinga, ætli það hafi ekki verið 1988 vegna útskipunnar á rækju.  Svo komu nokkrar grásleppuvertíðar þar á eftir með afa áður en ég var ráðinn á Björgúlf EA-312,  þá á sextánda ári. Tilviljun að þegar ég skrifa þetta er ég að horfa á það skip sigla í síðasta sinn út um hafnarminnið á Dalvík á leið í niðurrif eftir yfir 40 ára þrotlaust starf við gjaldeyrisöflun.

Hvað er það skemmtilegasta við að vinna við íslenskan sjávarútveg?

Fjölbreytnin og framsýnin í greininni allri.

En það erfiðasta?

Stundum breytast hlutirnir hraðar en maður ræður við.

Hvað er það skrýtnasta sem þú hefur lent í í störfum þínum?

Hér kemur margt upp í hugann en læt vera að setja það á prent.

Hver eftirminnilegasti vinnufélagi þinn?

Þeir eru margir eftirminnilegir sem gætu verið tilnefndir til verðlauna í þessum flokki.  Ætla þó að nefna tvo af gömlu skipstjórunum mínum þá Sigurð Haraldsson fyrrum skipstjóra á Björgúlfi og Ómar Sigurðsson, nú skipstjóra á Aðalsteini Jónssyni.

Hver eru áhugamál þín?

Björgunar- og slysavarnarmál til sjós og lands hafa átt hug minn og hjarta alla tíð.

Hver er uppáhaldsmaturinn þinn?

Fiskur, sama hvaða nafni sem hann nefnist.

Hvert færir þú í draumfríið?

Er á leið í eitt slíkt, ætla að verja jólum og áramótum á suðrænum slóðum með fjölskyldunni.

 

Attachments

Tengdar færslur

thumbnail
hover

Stækkun á rekstrarleyfi Háafells lögð til

Matvælastofnun hefur unnið tillögu að rekstrarleyfi fyrir Háafell ehf. til sjókvíaeldis á regnbogasilungi og þorski í Ísafjarðar...

thumbnail
hover

Eini austfirski frystitogarinn

Sumarið 2015 festi Síldarvinnslan í Neskaupstað kaup á frystitogaranum Frera af Ögurvík hf. og fékk hann þá nafnið Blængur og ei...

thumbnail
hover

Hámarkskvóti á makríl felldur úr gildi...

Sjávarútvegsráðuneyti Færeyja hefur afnumið aflahámark á skip á makrílveiðum á þessu ári. 5.508 tonn voru til skiptanna fyrir ...