-->

Tekur tíma að venjast skipinu

Ísfisktogarinn Helga María AK er nú í sínum öðrum túr undir stjórn Friðleifs Einarssonar, sem áður var skipstjóri á Engey RE. Helga María var í leiguverkefni á Grænlandi í sumar en að því loknu færðist áhöfn Engeyjar yfir á skipið en Engey var sem kunnugt er seld til Rússlands sl. vor.

,,Þetta var langt sumarfrí en ég notaði það m.a. til að vera á strandveiðum. Það er þó gott að komast aftur á togveiðar og með mér er sá fasti kjarni manna sem voru með mér á Ásbirni RE og svo á Engey,“ segir Leifur, eins og hann er nefndur í daglegu tali.

Að sögn Leifs gekk fyrsti túrinn ekkert of vel.

,,Aflinn var um 65 tonn, mest þorskur, og það var ýmislegt sem hafði áhrif á aflabrögðin. Fyrir það fyrsta þá var ekki mikið af fiski og sömuleiðis tekur það mann sinn tíma að læra á skipið. Þetta er hörkufínt skip en allt öðru vísi en Engey og Ásbjörn ef út í það er farið,“ segir Friðleifur í samtali á heimasíðu Brims hf.

Leifur segist hafa byrjað í kantinum vestan við Halann en síðan hafi hann unnið sig inn á Halamið.

,,Stefnan er svo sett á Vestfjarðamið að nýju. Við stoppuðum ekki nema sólarhring í Reykjavík og mér sýnist ekki veita af tímanum, sérstaklega ef við þurfum að leita mikið að fisknum,“ segir Friðleifur Einarsson.

 

 

Tengdar færslur

thumbnail
hover

Bakaður þorskur með sítrónukeim og hvítlauk

Nú höfum við það einfalt en auðvitað heilnæmt og gott. Þorskurinn fær að njóta sín og rétt bakaður fellur hann í stórar, hv...

thumbnail
hover

Gott að vinna við sjávarútveg

Maður vikunnar á Auðlindinni að þessu sinni er einn okkar reyndustu skipstjóra á uppsjávarveiðum, síld, loðnu, makríl og kolmunn...

thumbnail
hover

Ferjan Akranes hefur siglingar milli Þorlákshafnar...

Vöruflutningaferjan Akranes, sem er í eigu Smyril Line hefur hafið siglingar milli Íslands, Færeyja og Danmerkur. Hún kemur til viðb...