Minni afli og verðmæti hjá HG

Á árinu 2016 öfluðu skip Hraðfrystihússins-Gunnvarar hf, 12.114 tonna að verðmæti 3.131 milljóna króna samanborið við 14.054 tonna afla að verðmæti 4.084 milljónir króna árið 2015.

Þetta er 13,8% minni í afli og 23,3% minna aflaverðmæti. Þessa minnkun á afla og aflaverðmæta má einkum rekja til þess að allir togarar fyrirtækisins fóru í slipp á árinu, mikillar styrkingar krónunnar og áhrif verkfalls sjómanna á seinni hluta ársins.

Valur og Örn stunduðu rækjuveiðar í Ísafjarðardjúpi og öfluðu ágætlega.

Almennt var verðþróun sjávarfangs jákvæð.

Aflabrögð ársins 2016 voru almennt  góð sem þakka má skynsamlegri nýtingu auðlindarinnar sem leitt hefur til hagkvæmari sóknar.