Sáttafundur á föstudag

Sáttafundur hefur verið boðaður í kjaradeilu sjómanna og útvegsmanna næstkomandi föstudag. Þetta kemur fram á facebooksíðu Vilhjálms Birgissonar formanns Verkalýðsfélags Akraness.

Þar segir að ríkissáttasemjari hafi boðað til fundar á föstudagsmorgun klukkan hálf tíu. Upp úr viðræðum sjómanna og útvegsmanna slitnaði  mánudaginn 23. janúar, fyrir rúmri viku. Samkvæmt lögum ber ríkissáttasemjara að boða til sáttafundar innan tveggja vikna frá viðræðuslitum.