Fjórir sviptir veiðileyfi
Fiskistofa svipti fjóra báta veiðileyfi í janúar og febrúar. Bátarnir misstu leyfið tímabundið af ýmsum ástæðum.
Unnur Ben ÁR 33, var svipt leyfi til veiða í atvinnuskyni, vegna afla umfram aflaheimildir. Skipið fékk leyfið að nýju þann 1. mars, eftir að aflamarksstaða þess hafði verið lagfærð.
Bliki ÍS-414 var sviptur veiðileyfi í viku vegna brota á ákvæðum reglugerðar um veiðar á lúðu.
Þá svipti fiskistofa tvo báta leyfi vegna vanskila á afladagbók. Það voru Sæborg NS og Guðlaug GK. Sviptingin gildir þar til skil hafa verið gerð eða skýringar hafa verið gefnar á ástæðum vanskila.