Hátt verð fyrir loðnu í Færeyjum
Færeysku loðnuskipin hafa verið að gera góða túra á loðnuna hér við land. Högaberg landaði nýlega 1.000 tonnum til vinnslu á Fuglafirði og Júpíter landaði einnig þúsund tonnum nokkru síðar. Loðnan fer til vinnslu.
Verð á loðnu til skipanna er miklu hærra í Færeyjum en á Íslandi samkvæmt frétt á færeyska vefnum fiskur.fo Í Færeyjum fá skipin 65 krónur íslenskar fyrir loðnu til vinnslu en rúmar 42 krónur á Íslandi.
Mörg af færeysku skipunum sem verið hafa á kolmunna eru nú að búa sig til veiða á loðnu við Ísland.