Samfélagsskýrsla frá HB Granda

HB Grandi hefur birt sína fyrstu samfélagsskýrslu fyrir árið 2017 þar sem fylgt er viðmiðum Global Reporting Initiative, G4. „Það er metnaður félagsins að öll starfsemi þess sýni í verki ábyrgð gagnvart auðlindum sjávar og samfélaginu öllu. Þetta kemur skýrt fram í því hlutverki sem skilgreint var í stefnumótun félagsins á árinu: Ábyrg verðmætasköpun úr sjávarfangi,“ segir í frétt á heimasíðu HB Granda.

Skýrslan fjallar um ófjárhagslega þætti starfseminnar en meðal umfjöllunarefna eru hagræðing í rekstri, umhverfisverkefni, stafrænar lausnir, mannauðsmál, öryggismál og ýmis samfélagsverkefni.

Samfélagsskýrsla HB Granda hf. er nú aðgengileg á rafrænu formi á eftirfarandi slóð: samfelagsskyrsla2017.hbgrandi.is