Breytt tilhögun veiða á ígulkerum og sæbjúgum
Atvinnuvega- og nýsköpunarráðuneytið hefur gefið út reglugerðir um breytta tilhögum veiða á sæbjúgum og ígulkerum.
Athygli er vakin á að úthlutað hefur verið níu sæbjúgnaveiðileyfum til veiða á skilgreindum veiðisvæðum og byggði úthlutunin á auglýsingu eftir umsóknum fyrr í mánuðinum. Hægt er að sækja til ráðuneytisins um tímabundin leyfi til tilraunaveiða á sæbjúgum utan skilgreindra veiðisvæða.
Einnig er vakin athygli á að leyfi til veiða á ígulkerum eru þrjú talsins á skilgreindum veiðisvæðum og hefur þeim verið ráðstafað á grundvelli aflareynslu í samræmi við reglugerðina. Heimilt er að sækja um tímabundin veiðileyfi til ráðuneytisins til tilraunaveiða utan skilgreindra veiðisvæða.